T NEWS मराठी नेटवर्क-
अहेरी(प्रतिनिधी) तालुक्यातील बोरी गावातील रहिवासी विजय शंकर पूल्लीवार हे गेल्या तीन वर्षांपासून कॅन्सरसारख्या गंभीर आजाराशी निग्रहाने लढा देत आहेत. उपचारांचा प्रचंड खर्च, औषधोपचारातील वाढती आर्थिक गरज आणि वैद्यकीय प्रक्रियांचा भार यामुळे पूल्लीवार यांचे कुटुंब अडचणीत आले होते. ही परिस्थिती ओळखून डॉ. राजे धर्मरावबाबा आत्राम, माजी मंत्री तथा विद्यमान आमदार यांच्या मार्गदर्शनाखाली त्यांना आर्थिक मदत करण्यात आली.
सामाजिक उत्तरदायित्वाची परंपरा जपणाऱ्या डॉ. आत्राम यांच्या पुढाकारामुळे पूल्लीवार यांच्या उपचारांसाठीचा हातभार वेळेवर पोहोचला. या मदतीमुळे त्यांच्या कुटुंबाला मोठा दिलासा मिळाला असून पुढील उपचारांबाबत नव्याने आशा निर्माण झाली आहे.
मान्यवरांची उपस्थिती सामाजिक एकजुटीचे दर्शन
या मदतकार्याच्या वेळी स्थानिक पातळीवर विविध क्षेत्रातील मान्यवर उपस्थित राहिले. त्यांच्या उपस्थितीमुळे पूल्लीवार कुटुंबाला मानसिक बळ मिळाले तसेच सामाजिक स्तरावर एकजुटीचा सुंदर संदेशही पोहोचला.
उपस्थित मान्यवरांचा तपशील सुरेशभाऊ गंगाधरीवार, माजी उपसरपंच तसेच विद्यमान सदस्य, राजपूर पॅच परागभाऊ ओलालवार,उपसरपंच, बोरी नितीनभाऊ गुंडावार, सामाजिक कार्यकर्ते, राष्ट्रवादी काँग्रेसनरेश शेंडे,दिलीप सोनटक्के,अखिल कोलपाकवार,पत्रकार, बोरी
सर्व मान्यवरांनी पूल्लीवार यांची भेट घेऊन त्यांच्या प्रकृतीची विचारपूस केली. उपचारांच्या काळात आवश्यक सहकार्य देण्याचे आश्वासनही त्यांनी दिले.
